شعر

عيشنا وشوفنا

تحرير رأفت جمال
كلمات الشاعر/عبدالله السايح
عيشنا وشوفنا اللي بيتقال
بان ع الأرض وفيه شغال
كل وعودك والله ياسيسي
شافها الناس علطول في الحال
كان فيه قبلك ناس بتقول
والمشاريع بالإسم رسول
يوم ورا يوم علينا بيطلع
في المشاريع يحكي المسؤول
ياما سمعت كلام بوداني
ناس ترسم لي في عالم تاني
كل سنيني أعيش في أماني
والمشاريع عايشه ف مجهول
لما لاقيتك كنت أعاني
كان فيه ناس بتبيع في كياني
فجأة لاقيتني أعيش وحداني
نزلت إختارتك للأسطول
قلبي إختارك والله ياسيسي
نزلت جاهدت وقلت رئيسي
لما لقيتك كنت حريصٍ
كنت بكل الحب تقول
بلدي وقلت عليها الدنيا
بعد تحيا وقلت في ثانية
إن الخاين ان الخاينة
واللي يقرب موت علطول
من على سطح الأرض تشيلهم
مصر بلدنا هتزعل منهم
نيلنا لايمكن هيكون نيلهم
والنيل زي ماربي يقول
قد الوعد وكنت تملي
إيدك تبني وإيد بتملي
يعني بتروي الأرض البور
بقى فيه شقة لكل مواطن
بعد صفيحة وكان فيها ساكن
يعني حياة للمصري الراكن
مصر جديده وصبحت غول
يعني إتسلح كل الجيش
يعني مصانع زي العيش
وارفض أي قرار ومفيش
يوم يتحكم فيا شويش
مهما هيحصل مهما يدور
مصر مافيش ولابقيت عشوائي
كل عششها مباني وساقي
كل وباء في بلدنا تلاقي
حرب وعمر الشعب يطول
قلت هنعمل عيشة كريمة
كل فقير هتكون له مينا
يبدأ كل حياته سليمه
في مصر هتعمل عرض وطول
أنا حبيتك لما لقيتك
عملك سابق كل القول
كل ملف وكان بيهدد
غرب وشرق ونفسه يمدد
خير في شمالنا تملي تجدد
حتى جنوبنا النيل مبهور
إيدك سابقه في كل ملف
عندك حله كلام أو كف
واثق مهما عدوك لف
إن النصر زرعته بذور
وان الشعب وراك بينادي
حبك شعبك ودا شئ عادي
يعني تهادن والا ‘ تعادي
قابل والله بكل سرور
علشان شوفنا اللي بيتقال
بان ع الأرض وفيه شغال
لما ندهت وقلت قنال
كان كام شهر وفتحه مرور
حبيت شعبك شعبك حبك
وهبك روحة شيلته في قلبك
يعني وراك الشعب وجانبك
مهما هتعمل مهما تقول..

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق