أخبار مصر

تفاصيل ومواعيد حجز شقق الإسكان الإجتماعي

رأفت جمال 

 

اعلن الإسكان عن موعد طرح كراسات الشروط وهو 25 سبتمبر الجارى فى المدن والمحافظات
سعر الكراسه 200 جنيه +350 ج مصاريف استعلام .
مقدم جديه الحجز فى البريد 22 الف ممكن تدفعهم وانت بتشترى الكراسه وممكن تدفعهم براحتك بعد كده بعد ما تشترى الكراسه وتقراها وتقرر. وبرضه تاخد وصل دفع المقدم وتحافظ عليه مع وصل الكراسه لانك هتحتاجهم بعد كده.
لو كنت ساحب فلوسك من اعلان قديم ومعاك وصل سحب المقدم احتفظ بيه هتحتاجه ولو ضاع منك تروح البريد تطلع مستخرج او افاده من بنك التعمير بعدم الاستفاده باى وحده سكنيه .

الشقق نظامها تقسيط على 30 سنه ويجوز على 20 سنه و10 سنين حسب سن العميل وذلك بفايده 3%. وخد بالك ان الفايده دى هتخليك تدفع مقدم قليل جدا جدا بس الشقه بالفوايد هتكون غاليه اوى بعد ال30 سنه . بس عادى مش مشكله الحاجه بتغلى مع الايام .
الاعلان ال16 بقى ياباشا ينقسم الى قسمين ::
اولا شقق جاهزه هتتسلم على طول خلال 6 شهور بمجرد التقديم ودفع المقدم والاستعلام والتحويل للبنك وهى فى مدن ::
(الأقصر، القليوبية، برج العرب الجديدة، الفيوم، الفيوم الجديدة، البحيرة، كفر الشيخ، مرسى مطروح، أسيوط، المنوفية، الإسماعيلية، سوهاج، أخميم الجديدة، الشرقية، السويس، بني سويف، الغربية، دمياط، أسوان، الدقهلية، شمال سيناء، قنا، المنيا، المنيا الجديدة)
والقسم التانى للاعلان شقق تحت التشطيب يعنى هى جاهزه بس على المحاره وعاوزه تتفنش يعنى بعد 18 شهر من دلوقتى هتكون اتشطبت وجزء من الشقق دى مخصص للاعلان العاشر طبعا هيكونوا جيرانكم … والشقق دى فى مدن ::
(أكتوبر الجديدة “غرب المطار”، “جرزا القطوري – العياط”، دمنهور”.) واقصد جيرانكم من الاعلان العاشر على شقق اتكتوبر الجديده غرب المطار .

موعد طرح كراسات الشروط فى البريد :
اعتباراً من يوم الأحد 25 سبتمبر 2022، وحتى السبت 1 أكتوبر 2022 للمواطنين من ذوي الاحتياجات الخاصة فقط، واعتبارا من الأحد 2 أكتوبر 2022، وحتى الخميس 27 أكتوبر 2022، لجميع المواطنين متضمنين ذوي الاحتياجات الخاصة.
مقدم الحجز واسعار الشقق :
أسعار بيع الوحدات المطروحة ضمن الإعلان الجديد تتراوح ما بين 194 للشقق الجاهزه للتسليم و310 آلاف جنيه، للشقق اللى هتكون خلال 18 شهر بينما تتراوح قيمة مقدم جدية الحجز ما بين 15 الف جنيه للشقق الجاهزه للتسليم و22 ألف جنيه. للشقق اللى لسه خلال 18 شهر .
الحد الاقصى للدخل ::
الحد الأقصى لفئة منخفضى الدخل 6000 جنيه شهرياً للفرد الأعزب،
و8000 جنيه شهرياً للأسرة
الدعم الممنوح من الصندوق 60 الف جنيه لكل مواطن دخله اقل من 3000 ج على ان يقل الدعم تدريجيا لكل مواطن اكتر من 3000 جنيه اما من يزيد دخله عن 4500 جنيه دعمه صفر اما من دخله 4500 دعمه 5 الاف جنيه
للشقه ٩٠م فقط
٩٠ متر بتكون مقدمتها ٢٢٠٠٠ج بتدفعهم فى البريد + ٣٥٠ مصاريف اداريه بالبريد(للاستعلام)
# وكل ٣ شهور ٤٠٠٠ ج للشقه٩٠م لمده ٦ اقساط يعني آخرها بعد سنه ونصف وهو معاد التسليم لاكتوبر الجديده ودمنهور والعياط .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى