فن وثقافة

«لسانك أصعب فيروس»حملة تعاطف مع رامي جمال بسبب تعرضه للتنمر

ساره طبل

يستعد الفنان رامي جمال لألبومه الجديد محاولا استغلال فترات حظر التجول وتفشي فيروس كورونا لاختيار الأغاني في الوقت الراهن إذ يستغرق عاما كاملًا في انتقاء أفضل الكلمات والأغاني وبينما يكشف قراره الجديد فجر مفاجأة لزوجته ناريمان موضحًا أنه يوافق على إطلاق ألبوم غنائي لها ويتضمن عدة أغاني وصفها بـ«المُختلفة»

وتعرض المطرب المصري رامي جمال للتنمر من متابعة لحسابه على موقع إنستقرام بعدما طالبته بالتوقف عن الغناء والتفرغ لعلاج نفسه من مرض البهاق وهو ما دفع عدد كبير من النجوم للتصدي للدفاع عنه مؤكدين أن التنمر بنجوم الفن وتعمد الإساءة لهم عبر مواقع التواصل الاجتماعي بات ظاهرة خطيرة تحتاج الوقوف أمامها والقضاء عليها.

فكتب عبر حسابه الرسمي بموقع تويتر: بما إني كدة كدة محظور قررت ابدأ في اختيار أغاني جديدة لألبومي القادم بما إني باخد سنه أو أكتر في التحضير ثانيا بقي وده المهم قررت أعمل ألبوم لناريمان في أنواع مختلفة من الأغاني بجد الجميل أنها متعرفش إني قررت أعمل كدة والأجمل أنها هتعرف من هنا ويارب نفرح كلنا بفرج ربنا.

وتلقى رامي ردا مسيئا جدا من متابعة قالت له: روح اتعالج يا رامي من البهاق، ألبوم ايه أنت مش بتحقق مشاهدات ولا إيرادات وفر فلوسك.

ونقل رامي المعركة لساحة حسابه على موقع إنستجرام بعدما نشر “سكرين شوت” للتعليق المسيء وعلق عليه قائلا: النوع ده من البشر بقي منتشر أوي شفت عند صديق ليا لاعب كرة قدم ما شابه العينه دي، عاوز أقولكم انتوا ولسانكم أصعب ڤيروس، محدش هيعيش للأبد ولينا رب نختصم بعض عنده، يارب تكونو مبسوطين.

وإنهالت التعليقات على تصرف المتابعة للتخفيف من قسوة الكلمات فقالت ناريمان زوجة «جمال»

«منك لله بوظتيلي بوست للمفاجأة بتاعتي حبيبي معقول ممكن شئ زى دا يشغل تفكيرك ثانية يعنى؟ أكيد مش ممكن وواضح جدا للجميع مين اللى محتاج يتعالج يعنى واضحة أهي»

المطربة أنغام بادرت بالدعاء على المتنمرين بنجوم الفن قائلة: ربنا يخلصنا من الأشكال دي ناس بتكره نفسها وبتكره الحياه

وأيدتها إيمان العاصي قائلة: الحقير القذر دا اقل من انك تعمله پوست (دا انا بنتي العيلة الصغيرة مش سايبنها في حالها ) بجد دا حاجه كدا زي تربية زبالة الشارع.

كما تضامن معه المطرب أدهم السعيد والإعلامي شريف مدكور والفنان خالد عليش وياسمين الخطيب وكلهم نصحوا رامي جمال بحظر أصحاب التعليقات المسيئة وتنظيف حسابات السوشيال ميديا من أصحاب الآراء السلبية القاسية.

رامي جمال وجه الشكر لكل نجوم الفن الذين دعموه وعلق على ردودهم

قائلا: اولا اشكركم جميعا علي الكلام المحترم والاهتمام انا بس حبيت اشاركم الصدمه ان في قلوب صعبه كده مخافتش من تأثير الكلام اللي زي الرصاص ده انا متخافوش عليا من اول مره صارحتكم وشفت دعمكم وانا خلاص ارتحت من الخوف من تقبلكم ليا ولفكره التعب لكن كان لازم اوريكم ونحارب كلنا النوع القاسي ده اللي كلامه ده ممكن يحبط حد لو ضعيف انما انا قوي بربنا وبيكم بجد شكرا.

يذكر أن رامي جمال صدم جمهوره وعدد كبير من زملاء الوسط الفني العام الماضي بعد إعلان إصابته بمرض البهاق عبر كل منصاته على مواقع التواصل الاجتماعي مؤكدا إنه لم يعد قادرا على إخفاء المرض وبنفس الوقت لا يتحمل تجنب بعض الناس له بمجرد رؤية بقع البهاق ظنا أن المرض معدي وأشار إلى أنه أمام خيارين إما استكمال مسيرته الفنية على أن يتقبله الناس بهذا الوضع أو الاعتزال نهائيا.

وأكد رامي إنه أصيب بالمرض منذ فترة لكنه لم يكن ملحوظا من ثم بدأ في الانتشار بجسده بطريقة سريعة مما جعل البعض ينفر منه ويرفض حتى مد اليد للسلام عليه

وقال: الحمد لله الذي أحبني فابتلاني وقدرني على الصبر.. من فترة ظهرت بقع بيضا في جسمي وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة.

وأضاف: رضيت وسلمت أمري لله عشان عرفت إن الزعل بيزوده وكفاية شغلانتي وصعوبتها والقلق الدائم من المستقبل وفعلا بقى بيزيد لدرجة لفتت نظر ناس كتير اللي بقى يقوللي هتتعامل إزاي وأنت فنان واللي يخاف يسلم عليا واللي يسألني هو ده معدي.

وتابع: أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها لدرجة خلت ناس تقولي شوف بيزنس تاني اعمله عشان الناس مش هتقبلك كدة وفكرت في كلامهم بصراحة.

واستكمل: لقيت إن عندي حلين يا فعلا شكرا لحد كدة على الشغلانة دي رغم حبي ليها وعدم معرفتي بغيرها يا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة إن شكله غريب والحمد لله على نعمة الأهل لأنهم الوحيدون اللي بيقبلوا الواحد زي ما هو.

admin

رئيس تحرير موقع وجريدة نبض الدقهلية

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق